Ny fiskesesong – den beste nokon sinne?

Foto: Jan Vidar Williams

Med så mykje flott fangst i fjor, er det duka for ein knallsesong på Valebjørgheia.

Kring Fiskebustøylen er heiene framleis dekte av mengder med sno, og skiføret ser ikkje ut til å bli dårleg med det fyrste.
Einaste måten å nå den fine fjellauren på Valebjørgheia er å vise tolmod ved eit pilkehol. Men om ikkje lenge kjem våren for alvor, og då gjeng det ikkje lang tid før det er full aktivitet i fjellvatna her oppe.
I fjor var det god aktivitet i midten av mai, med godt og spennande fiske. Sver du til flugefiske, blir det ekstra moro – om du vel rett fluge så klart.
HER finn du ein liten oversikt over vatna som fiskekortet her oppe gjeld for, med nokre bilete som syner vatna og område/vegetasjon omkring.
I 2018 tvinga den største fisken som vart teken vektnåla tett opp under 1,5 kg – ein kjempeflott fjellaure som garantert allereie har blitt til eit velsmakande festmåltid.
Men dette var ikkje den einaste ruggen i Valebjørgheia! Vi tek stadig imot observasjonar av storfisk, og kven veit, kanskje blir det du som fangar den største i år?
Foto: Jan Vidar Williams

Foto: Lars Wara
Foto: Jørund Valebjørg
Alle er velkomne til Valebjørgheia, anten du vil sove i telt inne i heia eller om du heller vil ha ei mjuk seng og alt du elles måtte trenge – då kan du legge deg inn på Fiskebustøylen.
Sjå kva du kan vente deg av fasilitetar HER.
Og akkurat her kan du vere heldig; vi har ledig ei langhelg i juni – sjølvaste høgsesongen – grunna ei ombooking. Hytta er Fiskebu, og tidsperioden er frå onsdag 12. juni til sundag 16. juni.
Er du klar for ei real fiskehelg etter spennande fjellaure? Ta kontakt på post@valebjorg.no så snart som råd – denne helga er ikkje ledig lenge!
Vi gler oss til fiskesesongen, og til å sjå deg att.
Velkomen til fjells!