Foto: Bendik Momrak
Sist helg var fisken bitevillig i Valebjørgheia. Her ser du resultatet frå vatnet med kallenamnet «Fiskarens trøst» – ein fin fangst vert det! Ein bør ta seg ein tur no – fisken er svolten etter vinteren og der er lite insekt å sjå på heia. Den bit altså på det meste. Dei fleste vatna er no isfrie, men båtane vert ikkje sett ut før tidlegast 17. mai-helga. Om du tek deg ein tur er det berre å ta beina fatt.
Fiskeørna har kome tilbake til den faste plassen, og orrhanane buldrar framleis i solrenninga kvar morgon. Vil tru orrhønene har fått nok av buldrebassane, så no spelar dei nok mest for å halde stemma vedlike. Reinen har ikkje kome sørover enno, men kjem nok i andre halvdel av mai.
Foto: Per Stabell